கண்புரை அறுவை சிகிச்சை சென்னை – முறைகள், லென்ஸ் & மீட்பு | தி ஐ ஃபவுண்டேஷன்

1. கண்புரை என்றால் என்ன?

கண்புரை (Cataract) என்பது கண்ணின் உள்ளே இருக்கும் தெளிவான லென்ஸ் மங்கலாகி, பார்வை மங்குவதாகும். இது பெரும்பாலும் வயது காரணமாக மெதுவாக உருவாகிறது. நவீன அறுவை சிகிச்சையில், மங்கிய லென்ஸ் அகற்றப்பட்டு செயற்கை லென்ஸ் (IOL) பொருத்தப்படுகிறது. இதனால் தெளிவான பார்வை திரும்பக் கிடைக்கும்.

நம் கண்ணின் லென்ஸ் ஒரு கேமரா லென்ஸ் போல் வேலை செய்கிறது. அது ஒளியைக் குவித்து விழித்திரைக்கு (Retina) அனுப்புகிறது. வயது ஆக ஆக, லென்ஸில் உள்ள புரதங்கள் ஒன்றாகத் திரண்டு மேகம் போன்ற மங்கலை உண்டாக்குகின்றன. பெரும்பாலும் 50 வயதுக்குப் பிறகு இது தொடங்கும். இருந்தாலும் பின்வரும் காரணங்களால் சீக்கிரமே வரலாம்:

• சர்க்கரை நோய் (Diabetes)
• நீண்ட காலம் ஸ்டீராய்டு மருந்துகள் எடுத்துக்கொள்வது
• கண்ணில் அடிபடுதல்
• அதிக சூரிய ஒளி (UV) படுதல்
• புகைப்பழக்கம்
• பிறவியிலேயே வருவது (Congenital cataract)

கண்புரையை மருந்தாலோ சொட்டு மருந்தாலோ (eye drops) கரைக்க முடியாது. அறுவை சிகிச்சை மட்டுமே நிரந்தரத் தீர்வு.

2. கண்புரையின் அறிகுறிகள்

கண்புரை மெதுவாக வளர்வதால், ஆரம்பத்தில் பலருக்கு அது தெரிவதில்லை. இந்த அறிகுறிகளைக் கவனியுங்கள்:

• மங்கலான அல்லது புகைமூட்டம் போன்ற பார்வை. கண்ணாடி வழியாகப் பார்ப்பது போல் தோன்றும்.
• ஒளி கூச்சம் (Glare). வெயிலிலும், எதிரே வரும் வாகன ஹெட்லைட்டிலும் கண் கூசும்.
• விளக்குகளைச் சுற்றி வட்டங்கள் (Halos). இரவில் இது அதிகம் தெரியும்.
• இரவில் வாகனம் ஓட்டுவதில் சிரமம்
• நிறங்கள் மங்கலாகவோ மஞ்சளாகவோ தெரிதல்
• அடிக்கடி கண்ணாடி பவர் மாறுதல்
• ஒரு கண்ணில் இரட்டைப் பார்வை
• படிக்க அதிக வெளிச்சம் தேவைப்படுதல்
• “Second sight”. திடீரென கண்ணாடி இல்லாமல் அருகில் உள்ளவை தெளிவாகத் தெரியலாம். இது கண்புரை முன்னேறுவதன் அறிகுறியாக இருக்கலாம்.

இவற்றில் ஏதேனும் இருந்தால் கண் மருத்துவரைச் சந்தியுங்கள். கண்புரையா அல்லது கிளாக்கோமா, ரெட்டினா பிரச்சனை போன்ற வேறு நோயா என்பதைப் பரிசோதனை மூலம் மட்டுமே உறுதி செய்ய முடியும்.

3. எப்போது அறுவை சிகிச்சை தேவை?

"கண்புரை முற்ற வேண்டும், பிறகுதான் ஆபரேஷன்" என்பது பழைய நம்பிக்கை. இன்றைய நவீன முறைகளில் அப்படிக் காத்திருக்கத் தேவையில்லை. பின்வரும் நிலைகளில் அறுவை சிகிச்சையை மருத்துவர் பரிந்துரைப்பார்:

• படித்தல், வாகனம் ஓட்டுதல், டிவி பார்த்தல், வேலை போன்ற தினசரிச் செயல்கள் பாதிக்கப்படும்போது
• கண்ணாடி மாற்றியும் பார்வை சரியாகாதபோது
• இரவு நேரப் பார்வை அல்லது ஒளி கூச்சம் பாதுகாப்பைப் பாதிக்கும்போது
• சர்க்கரை நோய் போன்ற காரணங்களால் விழித்திரையைப் பரிசோதித்துச் சிகிச்சை அளிக்க, கண்புரை தடையாக இருக்கும்போது
• கண்புரை மிகவும் முற்றி, கண் அழுத்தம் அதிகரிப்பது போன்ற சிக்கல்கள் ஏற்படும் அபாயம் இருக்கும்போது

அதிக நாள் காத்திருப்பதன் ஆபத்து: முற்றிய கண்புரையை (Mature/Hypermature cataract) அகற்றுவது கடினம். அறுவை நேரமும் சிக்கல் வாய்ப்பும் அதிகரிக்கும்.

4. நவீன கண்புரை அறுவை சிகிச்சை முறைகள் – Phaco, MICS, Laser

இன்றைய கண்புரை அறுவை சிகிச்சை பொதுவாக 15–30 நிமிடங்களில் முடியும். ஊசி இல்லாமல் சொட்டு மருந்து மூலம் மரத்துப்போகச் செய்யப்படும் (topical anaesthesia). பெரும்பாலானோர் அதே நாளில் வீடு திரும்பலாம். [confirm: TEF-ல் day-care நடைமுறை]

Phacoemulsification (Phaco)
சுமார் 2.2–2.8 மி.மீ. சிறு துளை வழியாக, அல்ட்ராசவுண்ட் அலைகள் மூலம் கண்புரை லென்ஸ் சிறு துகள்களாக்கப்பட்டு உறிஞ்சி எடுக்கப்படும். பிறகு மடிக்கக்கூடிய (foldable) IOL லென்ஸ் பொருத்தப்படும். பெரும்பாலும் தையல் தேவையில்லை. உலக அளவில் அதிகம் பயன்படுத்தப்படும், நம்பகமான முறை இது.

MICS (Micro Incision Cataract Surgery)
Phaco-வின் மேம்பட்ட வடிவம் இது. சுமார் 1.8 மி.மீ. அல்லது அதைவிடச் சிறிய துளை மட்டுமே போதும்.

• குறைந்த அஸ்டிக்மாட்டிசம் (Astigmatism)
• விரைவான குணமடைதல்
• தொற்று வாய்ப்பு குறைவு

Laser-Assisted Cataract Surgery (FLACS)
Femtosecond லேசர் மூலம் துளையிடுதல், லென்ஸ் உறையைத் திறத்தல் (capsulotomy), லென்ஸை உடைத்தல் ஆகிய படிகள் கணினி வழிகாட்டலுடன் துல்லியமாகச் செய்யப்படும். Premium லென்ஸ் பொருத்தும்போதும், சில சிக்கலான கண்புரைகளிலும் இது பயனுள்ளதாக இருக்கும். [confirm: Vadapalani கிளையில் FLACS வசதி உள்ளதா]

எந்த முறை உங்களுக்குப் பொருத்தம்? கண்புரையின் அடர்த்தி, கண்ணின் அமைப்பு, பிற கண் நோய்கள், நீங்கள் தேர்வு செய்யும் லென்ஸ் ஆகியவற்றைப் பொறுத்து மருத்துவர் பரிந்துரைப்பார்.

5. சரியான லென்ஸ் (IOL) தேர்வு – Monofocal, Multifocal, Toric

அகற்றப்பட்ட இயற்கை லென்ஸுக்குப் பதிலாக நிரந்தர செயற்கை லென்ஸ் (Intraocular Lens) பொருத்தப்படும். உங்கள் வாழ்க்கை முறைக்கு ஏற்ற லென்ஸைத் தேர்வு செய்வது முக்கியம்.

கவனிக்க வேண்டியவை: Multifocal லென்ஸில் இரவில் ஒளி வட்டங்கள் சிறிது தெரியலாம். ரெட்டினா நோய் அல்லது கிளாக்கோமா உள்ளவர்களுக்கு எல்லா லென்ஸும் பொருந்தாது. அறுவைக்கு முன் செய்யப்படும் Biometry பரிசோதனை மூலம் லென்ஸ் பவர் துல்லியமாகக் கணக்கிடப்படும்.

6. அறுவைக்கு முன் தயாரிப்பு

(தற்போதுள்ள pre-surgery பகுதி)

• முழு கண் பரிசோதனை: பார்வைத் திறன், கண் அழுத்தம், ரெட்டினா பரிசோதனை, Biometry (லென்ஸ் பவர் கணக்கீடு)
• பொது உடல்நலப் பரிசோதனை: இரத்த சர்க்கரை, இரத்த அழுத்தம். தேவைப்பட்டால் ECG.
• மருந்துகள் பற்றித் தெரிவியுங்கள்: இரத்தம் உறையாமல் தடுக்கும் மருந்துகள் (blood thinners), சர்க்கரை மருந்துகள், புரோஸ்டேட் மருந்துகள் (Tamsulosin போன்றவை) எடுத்துக்கொண்டால் மருத்துவரிடம் கூறுங்கள். மருத்துவர் சொல்லாமல் எந்த மருந்தையும் நிறுத்தாதீர்கள்.
• சொட்டு மருந்து: அறுவைக்கு முன் ஆன்டிபயாடிக் சொட்டு மருந்து பரிந்துரைக்கப்படலாம்.
• அறுவை நாளில்:
  • லேசான உணவு மட்டும் சாப்பிடுங்கள் (மருத்துவர் அறிவுரைப்படி)
  • கண் மேக்கப், க்ரீம், நகைகளைத் தவிருங்கள்
  • தளர்வான, வசதியான உடை அணியுங்கள்
• துணைக்கு ஒருவர்: வீடு திரும்ப உங்களுடன் ஒருவர் வரவேண்டும். அன்று நீங்களே வாகனம் ஓட்ட வேண்டாம்.

7. அறுவைக்கு பின் செய்ய வேண்டியவை & தவிர்க்க வேண்டியவை

 செய்ய வேண்டியவை

• மருத்துவர் கொடுத்த சொட்டு மருந்துகளை நேரப்படி போடுங்கள் (பொதுவாக 3–4 வாரங்கள்)
• சொட்டு மருந்து போடும் முன் கைகளை நன்றாகக் கழுவுங்கள்
• முதல் 1 வாரம் இரவில் தூங்கும்போது கண் பாதுகாப்பு மூடி (eye shield) அணியுங்கள்
• வெளியே செல்லும்போது கருப்புக் கண்ணாடி அணியுங்கள் (தூசி, வெயிலிலிருந்து பாதுகாப்பு)
• டிவி பார்க்கலாம், நடக்கலாம், லேசான வீட்டு வேலைகள் செய்யலாம்
• பின்தொடர்தல் (follow-up) சந்திப்புகளைத் தவறவிடாதீர்கள்: பொதுவாக மறுநாள், 1 வாரம், 1 மாதம்

 தவிர்க்க வேண்டியவை

• கண்ணைத் தேய்க்கவோ அழுத்தவோ கூடாது
• 1–2 வாரம் கண்ணில் நேரடியாகத் தண்ணீர் படக்கூடாது. கழுத்துக்குக் கீழே குளிக்கலாம்; முகத்தை ஈரத் துணியால் துடைக்கலாம்.
• 2 வாரம் கனமான பொருட்களைத் தூக்குவது, அதிகம் குனிவது, கடுமையான உடற்பயிற்சி வேண்டாம்
• 2–4 வாரம் நீச்சல்குளம், கண் மேக்கப் வேண்டாம்
• தூசி, புகை, சமையல் புகை அதிகம் உள்ள இடங்களைத் தவிருங்கள்
• மருத்துவர் அனுமதிக்கும் வரை வாகனம் ஓட்ட வேண்டாம்

 உடனே மருத்துவரை அணுக வேண்டிய அறிகுறிகள்:

• அதிகரிக்கும் வலி
• திடீர் பார்வை இழப்பு
• கண் அதிகமாகச் சிவத்தல், வீக்கம்
• சீழ் வடிதல்
• பார்வையில் கருப்புத் திரை அல்லது ஒளி மின்னல்கள்

8. மீட்பு காலம் – நாள் வாரியாக

இரு கண்களிலும் கண்புரை இருந்தால், தி ஐ ஃபவுண்டேஷன் மருத்துவர்களின் ஆலோசனைப்படி, இரண்டாவது கண் அறுவை சிகிச்சை பொதுவாக 1–4 வாரங்கள் இடைவெளியில் செய்யப்படும்.

பின்னாளில் மங்கல் (PCO): சில மாதங்கள் அல்லது ஆண்டுகள் கழித்து லென்ஸின் பின்புற உறை மங்கலாகலாம். இது கண்புரை மீண்டும் வருவது அல்ல.இரு கண்களிலும் கண்புரை இருந்தால், தி ஐ ஃபவுண்டேஷன் மருத்துவர்களின் ஆலோசனைப்படி, இரண்டாவது கண் அறுவை சிகிச்சை பொதுவாக 1–4 வாரங்கள் இடைவெளியில் செய்யப்படும்.

பின்னாளில் மங்கல் (PCO): சில மாதங்கள் அல்லது ஆண்டுகள் கழித்து லென்ஸின் பின்புற உறை மங்கலாகலாம். இது கண்புரை மீண்டும் வருவது அல்ல. தி ஐ ஃபவுண்டேஷனில், மருத்துவரின் ஆலோசனைப்படி, சில நிமிடங்களில் செய்யப்படும் YAG லேசர் சிகிச்சை மூலம் இதைச் சரிசெய்யலாம்., மருத்துவரின் ஆலோசனைப்படி, சில நிமிடங்களில் செய்யப்படும் YAG லேசர் சிகிச்சை மூலம் இதைச் சரிசெய்யலாம்.

அடிக்கடி கேட்கப்படும் கேள்விகள் (FAQ)

கண்புரை அறுவை சிகிச்சை வலிக்குமா?
இல்லை. சொட்டு மருந்து மூலம் கண் மரத்துப்போகச் செய்யப்படும். அறுவையின்போது லேசான அழுத்தம் மட்டுமே உணரப்படும். பின்னர் சிறிது உறுத்தல் இருக்கலாம்.

அறுவைக்குப் பிறகு கண்ணாடி தேவையா?
அது நீங்கள் தேர்வு செய்யும் லென்ஸைப் பொறுத்தது. Monofocal லென்ஸுக்குப் படிக்கக் கண்ணாடி தேவைப்படும். Multifocal அல்லது Trifocal லென்ஸில் பெரும்பாலான வேலைகளுக்குக் கண்ணாடி தேவைப்படாது.

கண்புரை மீண்டும் வருமா?
இல்லை. அகற்றப்பட்ட லென்ஸில் கண்புரை மீண்டும் வராது. சிலருக்குப் பின்னாளில் லென்ஸ் உறை மங்கலாகலாம் (PCO). இதை YAG லேசரால் எளிதாகச் சரிசெய்யலாம்.

சர்க்கரை நோய் இருந்தால் அறுவை செய்யலாமா?
ஆம். இரத்த சர்க்கரை கட்டுப்பாட்டில் இருக்கும்போது பாதுகாப்பாகச் செய்யலாம். அறுவைக்கு முன் ரெட்டினா பரிசோதனை அவசியம்.

எத்தனை நாளில் வேலைக்குத் திரும்பலாம்?
அலுவலக வேலைக்குப் பொதுவாக 3–7 நாட்களில் திரும்பலாம். கடின உடல் உழைப்புக்கு 2–3 வாரம் காத்திருக்க வேண்டும்.